Se se pren las resultas de l’esquipa nacionala per mesurar la fòrça d’un espòrt, e ben, la França del XIII se pòrta plan mal.
Divendres de ser, sus la pelena venguda sintetica de l’Arms Park de Cardiff, los Blaus pleguèron fàcia a una formacion que s’acontentèt de concretizar per tres còps las abséncias defensivas dels vesitaires. França marquèt tardièrament un ensag sus una carga del pilar Miquèl Simon. Al planchòt final: 14-6 per una formacion qu’arborava fièrament son nom en galés sul malhòt: “Cymru”.
Dins una situacion ont entraïnaire, Federacion e Dracs se remandan las rasons —bonas e marridas— d’aquestas resultas pietadosas, demòra de creire en un pauc mai de vam dels Pols per clavar positivament lo Campionat europèu amb la recepcion dels escoceses a Avinhon aqueste dissabte, a 3 oras del vèspre, e se balhar qualques menudas rasons d’esperar a dos ans de la Copa del Mond.
La primièra espròva pels angleses
Aqueste dimenge a Hull, se jogava lo primièr dels 3 rescontres entre Anglatèrra e la Nòva Zelanda. Los Kiwis menèron lèu-lèu 12-0, mas los angleses egalizèron abans la pausa, puèi fasián la diferéncia dins lo segond temps: 26-12.
Las doas esquipas se tornaràn trapar dissabte a l’Estadi Olimpic de Londres.
Limós pren lo cap del classament
Coma los catalans avián tròp de jogaires cò dels Blaus, la partida Carcassona-Dragonets se remandèt. Limós ne profièita per prene lo cap del classament mercé a una victòria obtenguda amb una mai granda clarvesença e un dinamisme mai fòrt sus Lesinhan: 34-18. Los locals menavan 12-8 a la pausa e saupèron tenir los Senglars a distància. La formacion de Corbièras se trapa a l’arrèst.
Albi va ganhar a Palau 32-14 e Avinhon pren lo melhor sens problèma sus Vilanuèva: 36-8. La jornada venenta del Campionat se tendrà la dimenjada dels 14 e 15 de novembre.
Alan Roch
Divendres de ser, sus la pelena venguda sintetica de l’Arms Park de Cardiff, los Blaus pleguèron fàcia a una formacion que s’acontentèt de concretizar per tres còps las abséncias defensivas dels vesitaires. França marquèt tardièrament un ensag sus una carga del pilar Miquèl Simon. Al planchòt final: 14-6 per una formacion qu’arborava fièrament son nom en galés sul malhòt: “Cymru”.
Dins una situacion ont entraïnaire, Federacion e Dracs se remandan las rasons —bonas e marridas— d’aquestas resultas pietadosas, demòra de creire en un pauc mai de vam dels Pols per clavar positivament lo Campionat europèu amb la recepcion dels escoceses a Avinhon aqueste dissabte, a 3 oras del vèspre, e se balhar qualques menudas rasons d’esperar a dos ans de la Copa del Mond.
La primièra espròva pels angleses
Aqueste dimenge a Hull, se jogava lo primièr dels 3 rescontres entre Anglatèrra e la Nòva Zelanda. Los Kiwis menèron lèu-lèu 12-0, mas los angleses egalizèron abans la pausa, puèi fasián la diferéncia dins lo segond temps: 26-12.
Las doas esquipas se tornaràn trapar dissabte a l’Estadi Olimpic de Londres.
Limós pren lo cap del classament
Coma los catalans avián tròp de jogaires cò dels Blaus, la partida Carcassona-Dragonets se remandèt. Limós ne profièita per prene lo cap del classament mercé a una victòria obtenguda amb una mai granda clarvesença e un dinamisme mai fòrt sus Lesinhan: 34-18. Los locals menavan 12-8 a la pausa e saupèron tenir los Senglars a distància. La formacion de Corbièras se trapa a l’arrèst.
Albi va ganhar a Palau 32-14 e Avinhon pren lo melhor sens problèma sus Vilanuèva: 36-8. La jornada venenta del Campionat se tendrà la dimenjada dels 14 e 15 de novembre.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari